1. gr.
Félagið heitir FHA – Félag háskólamenntaðra við Háskólann á Akureyri. Heimili þess og varnarþing er á Akureyri. Félagið er stéttarfélag í merkingu 5. gr. laga nr. 94/1986 um kjarasamninga opinberra starfsmanna.
2. gr.
Hlutverk félagsins er að:
1. Semja um kaup og kjör.
2. Vinna að bættum kjörum og auknum réttindum félagsfólks.
3. Stuðla að sí- og endurmenntun félagsfólks.
4. Vinna að bættri starfsaðstöðu félagsfólks.
5. Stuðla að bættri menntun og eflingu rannsókna.
3. gr.
Aðild að FHA – Félagi háskólamenntaðra við Háskólann á Akureyri geta átt einstaklingar sem starfa við Háskólann á Akureyri, tengdar stofnanir eða samstarfsstofnanir og hafa a.m.k. BA/BS-próf eða sambærilegt próf frá viðurkenndum háskóla. Aðild að félaginu er annaðhvort full aðild eða aukaaðild.
Fulla aðild geta átt þau sem starfa við Háskólann á Akureyri, stofnanir hans eða samstarfsstofnanir, hafa háskólapróf eða aðra sambærilega menntun og gegna a.m.k. 1/3 hluta starfs við skólann. Starfsfólk Háskólans á Akureyri, stofnana hans og samstarfsstofnana, sem hafa háskólapróf eða aðra sambærilega menntun og gegna minna en 1/3 hluta starfs við skólann eiga aukaaðild að félaginu. Aukafélagar hafa fullt málfrelsi og tillögurétt í félaginu en ekki atkvæðisrétt, kosningarétt eða kjörgengi. Þó er heimilt að veita aukafélögum atkvæðisrétt um sín sérmál, samkvæmt ákvörðun meirihluta félagsfundar hverju sinni. Fyrrum félagsfólk sem þiggur atvinnuleysisbætur og greiðir félagsgjald til teljast aukafélagar.
Stjórn félagsins tekur ákvörðun um inntöku nýs félagsfólks og skal ákvörðunin staðfest árlega á aðalfundi.
4. gr.
Aðalfundur hefur æðsta vald í málefnum félagsins. Aðalfund skal halda eigi síðar en í maí ár hvert. Skal til hans boða með minnst tíu daga fyrirvara og er hann þá lögmætur. Á aðalfundi ræður afl atkvæða í öllum málum nema þeim sem snerta breytingar á lögum félagsins. Til lagabreytinga þarf 2/3 atkvæða þeirra sem sitja fundinn og greiða atkvæði.
5. gr.
Dagskrá aðalfundar er:
6. gr.
Reikningsár félagsins er frá 1. janúar til 31. desember.
7. gr.
Árgjald félagsfólks skal ákveðið á aðalfundi ár hvert.
8. gr.
Tillögum um lagabreytingar skal skilað til stjórnar eigi síðar en þremur vikum fyrir aðalfund. Skal þess þá getið sérstaklega í fundarboði að tillaga til lagabreytinga verði tekin til meðferðar á fundinum og efni hennar lýst.
9. gr.
Stjórn félagsins skal skipuð fimm einstaklingum: formanni, varaformanni, ritara, gjaldkera og meðstjórnanda. Stjórn skal kjörin leynilegri kosningu. Formann skal kjósa sérstaklega en að öðru leyti skiptir stjórnin með sér verkum. Stjórnarkjöri skal haga þannig að árlega sé kosinn formaður og tveir stjórnarmenn. Formaður er kjörinn til eins árs en annað stjórnarfólk til tveggja ára. Auk þess skal kjósa tvo varamenn í stjórn til eins árs.
10. gr.
Stjórn félagsins ræður málefnum félagsins með þeim takmörkunum sem lög þessi setja. Stjórnarfundi skal boða með tryggilegum hætti og að öllu jöfnu með minnst þriggja daga fyrirvara. Stjórnarfundur er ályktunarfær ef að minnsta kosti þrír úr stjórn sitja fundinn. Afl atkvæða ræður úrslitum á stjórnarfundi. Séu atkvæði jöfn ræður atkvæði formanns eða varaformanns í fjarveru formanns. Ákvarðanir stjórnar skulu færðar til bókar.
11. gr.
Samninganefnd félagsins skal skipuð þremur einstaklingum úr hópi félagsfólks. Formann samninganefndar skal kjósa sérstaklega. Samninganefnd skal skipta með sér verkum.
12. gr.
Samninganefnd kemur fram fyrir hönd félagsins í hvers kyns samningaviðræðum við viðsemjendur þess. Samninganefnd skal undirbúa kröfugerð félagsins og kynna hana félagsfólki á félagsfundi áður en hún er lögð fram fyrir viðsemjendur. Samninganefnd getur ekki undirritað samning fyrir hönd félagsins nema með fyrirvara um samþykki félagsfundar.
13. gr.
Félagsfund skal boða með minnst viku fyrirvara og er hann þá lögmætur. Stjórn er skylt að boða til félagsfundar ef minnst 1/3 félagsfólks krefst þess.
14. gr.
Lög þessi öðlast þegar gildi.
(Með breytingum samþykktum á aðalfundum 23. október 1992, 12. nóvember 1999, 4. júní 2002, 20. maí 2010 og 21. september 2026.)